पेटलेला हा रे कसा चांदवा
एकदा त्यास भिजवून जा
गोठला तू रे कसा सुर्या
एकदा ह्यास चेतवून जा
पिसाटलेला हा कसा वारा
एकदा त्यास आवरुन जा
गोंधळली आज ही कशी दिशा
एकदा तिजला सापडून जा
उधाण आले कसे या सागरा
एकदा त्यास आवळून जा
सुसाट सुटली का ही सरिता
एकदा तिजला थांबवून जा
तुजसाठी रचिली ही कविता
एकदा तरी ही वाचून जा
नको शोधुस अर्थ तिचा
एकदा हे सारं अनुभवून जा
- रेश्मा हरचेकर
Copyright Saad-Pratisaad #Marathi #Blog of Reshma