Tuesday, November 17, 2015
DIWALI 2015 - PHOTOGRAPHY
This #Diwali is special for me as i have started my #photography again after long break...#Fireworks makes mad
Posted by Reshma Narkhede's Photography on Wednesday, November 11, 2015
Sunday, November 8, 2015
मृत्यूच्या कविता - 3 = मूळ मृत्यू
खुप प्रेम होत दोघांचं
मनापासून स्विकारलेल
कशाचाही विचार न केलेल
पण मनपूर्वक जपलेल
तो होता प्रोफेसर
ती झाली बडी ऑफीसर
जबाबदारीच्या कसरतीत
सुरू होता संसार
तिच्या सततच्या अनुपस्थित
तो संसार रेटत होता
जणू रूक्ष कवितेत
भाव तो भरत होता
एकट्याने संसार ओढता ओढता
अवचित दोरी तुटली
संसाराची रांगोळी
क्षणात फिस्कटली
संसाराची मजा तीला
उमगलीच नाही कधी
करियरची नशा तिची
उतरलीच नाही कधी
पैसा..प्रतिष्ठा यापुढे
करियरची व्याख्या
तिची गेलीच नाही
नवरा..मुलाबाळांच्या
वाट्याला ती कधी आलीच नाही
सगळ्या पासून घटस्फोट घेऊन
स्वतःला मोकळ केल होत
करियरच्या नशेत पाखरू
स्वछंद उडणार होत...
पुढे वर्षा मागून वर्ष गेली...
रिटायर होऊन ही एकटी उरली...
नाना नानी पार्कात एकदा
जुन्या सखीला कडकडून भेटली
ती ही बडी होती अधिकारी
हिच्यापेक्षा ही तीचे पद लय भारी
पण ती समाधानी सुखी दिसत होती
कारण पदरात गोंडस नात होती
नातीचे आजोबा तिथे आले फिरून
चमकली ही पुन्हा त्याला असे पाहून
नजरानजर होताच तिला धक्का बसला होता..
कारण त्याच क्षणी तिला जाणवले...की
पत्नी...आई....आज्जी...अशा स्त्रीच्या
मूळ करियरचा मृत्यू झाला होता...
- रेश्मा नारखेडे
Thursday, November 5, 2015
मृत्युच्या कविता - २ - रिपुमृत्यू
डोळे बंद केले की तो समोर यायचा
ओळख जुनी पण चेहरा नसायचा
मला हवे तसे गुण होते त्याचे
स्वप्न असुनही सत्य ते भासे
रोज रात्री भेट व्हायची स्वप्नात
अन् उरायची जाणीव त्याची क्षणाक्षणात
तोच त्याचा रुबाब, तोच त्याचा थाट
कुठे सापडेल का मला ह्याची वाट?
स्वप्नातला राजकुमार सत्यात येइल का?
आयुष्य माझे त्याच्याभोवती गुंफेल का?
याच विचारात वर्षां मागुन वर्ष गेली
अनापेक्षितपणे माझ्या स्वप्नाशी भेट झाली
आयुष्यातला तेव्हा पहिला चमत्कार झाला होता
स्वप्नातला राजकुमार समोर प्रकटला होता
>
>
>
तेच गुण, तोच स्वभाव, तीच आकृति, तोच कुमार
अखेर मिळाला चेहरा, आनंदाला नाही सुमार
हळुहळू आता माझं सारं त्याच्यातच गुंतत गेलं
सर्वस्वाने आता त्याला मी आपल मानलं
स्वप्न पूर्ण करण्याचा हट्ट
आत्ता कुठे पूर्ण होणार होता
तेव्हाच कळले की,
तो लवकरच लग्न करणार होता
>
>
>
जिच्याशी तो करणार होता लग्न
मैत्रीण होती ती माझी ख़ास मग झाले मी भग्न
तिच्या सुखाच्या आड़
मी कसे येणार होते
तिने इतके वर्ष जपलेले प्रेम
कसे मी तोडणार होते
स्वप्नातला राजकुमार माझ्या समोर तर होता
फरक इतकाच की तो माझा नव्हता
माझं स्वप्न सहजच तिच्या पदरात पडले
त्या दिवशी मी एकदाच शेवटचे रडले
त्याच्यावरील प्रेमाला सहज तिलांजलि देऊन
स्वप्न पहायचेच सोडले, शपथ घेउन
पण कुणास ठाउक का,
पण कुणास ठाउक का,
तिचा राग मला कधीच आला नव्हता
कारण
>
>
त्याच्यावरील प्रेमाने
माझ्यातील "मत्सराचा" मृत्यु झाला होता
माझ्यातील "मत्सराचा" मृत्यु झाला होता
कायमचा......
--
- रेश्मा नारखेडे
(मत्सराचा मृत्यू हा पवित्र प्रेमाने होऊ शकतो. जिथे स्पर्धा येते तिथे मत्सर येतो पण जिथे निर्व्याज, परिपक्व आणि "देण्याचे" प्रेम येत तिथे मत्सरचा मृत्यू अटळ असतो. काहीश्या याच विचारातून लिहलेली कविता. )
Tuesday, November 3, 2015
मृत्युच्या कविता 1 - मरण आलं होतं....
कामासाठी वणवण फिरत होते
हातात होते वजन
पण पोटात नाही कण
खिशात होता दाम
पण संपत नव्हते काम
कसबस काम संपवून
अखेर जेवायला गेले
भुकेचे वादळ केवळ
वासानेच शमले
पक्वान्नाने भरलेले समोर ताट
शेवटी पिण्यासाठी थंडगार ताक
घेणार पहिला घास तोच……
हातात होते वजन
पण पोटात नाही कण
खिशात होता दाम
पण संपत नव्हते काम
कसबस काम संपवून
अखेर जेवायला गेले
भुकेचे वादळ केवळ
वासानेच शमले
पक्वान्नाने भरलेले समोर ताट
शेवटी पिण्यासाठी थंडगार ताक
घेणार पहिला घास तोच……
समोर रस्त्यावर लक्ष गेले
कुणातरी कोवळया पोराला
लोकांनी होते बेदम मारले
हातातला घास तसाच राहिला
होटल मालकाला जाब विचारला………
भुकेचे वादळ शमावयाला
म्हणे, पोराने केली होती चोरी
फुकट मार बसला
अन् नाही मिळाली भाकरी
चार दिवस अन्न न मिळालेला पोरगा
स्व:तासाठी नाही तर
आईसाठी जगत होता
चोरी करुनी का होइना
पण आईसाठी सोसत होता……….
चोरी करुनी का होइना
पण आईसाठी सोसत होता……….
लागलीच ते पक्वान्न
पॅक करुन त्याला दिले
देव दिसला त्याला माझ्यात
चटकन माझे पाय धरले
ओशाळून मी जरा
चार पावले मागे गेले
जड़ झाले अंतकरण
अन्, त्या दिवशी नाही जेवले………
काय माहित त्यादिवशी
मोठं असं काय घडलं होतं
ज्यामुळे न शमनाऱ्या माझ्या
भुकेला मरण आलं होतं
भुकेला मरण आलं होतं
- रेश्मा नारखेडे
तिसरे महायुद्ध - बातम्या - 2 प्रत्यक्ष मित्र...Pratyaksha Mitra
तिसरे
महायुद्ध सुरु झालेले असून त्याचे परिणाम आपल्याला ठिकठिकाणी पहायला
मिळतात. पण सामान्य जन या बातम्यांपासून कोसो दूर असतो. दैनिक
प्रत्यक्षमध्ये या दरोरोज या बातम्या पाहण्यास मिळतात. आता ह्या बातम्या
प्रत्यक्ष मित्र या हिंदी ब्लॉगवर देखील प्रकाशीत होणार आहेत.
प्रत्यक्ष मित्र मधील "तृतीया महायुद्धा"च्या बातम्या Links वर वाचाव्यात.
सिरिया में चल रहे संघर्ष के कारण
‘साऊथ चायना सी’ के मसले पर अमेरिकी रक्षामंत्री द्वारा चीन को चेतावनी
तृतीय विश्‍वयुद्ध के लिए रशिया द्वारा आर्क्टिक में सैनिकी अड्डों की तैयारी- अमेरिकी वेबसाईट का दावा
Tuesday, October 20, 2015
तिसरे महायुद्ध - बातम्या - १ प्रत्यक्ष मित्र...Pratyaksha Mitra
तिसरे महायुद्ध सुरु झालेले असून त्याचे परिणाम आपल्याला ठिकठिकाणी पहायला मिळतात. पण सामान्य जन या बातम्यांपासून कोसो दूर असतो. दैनिक प्रत्यक्षमध्ये या दरोरोज या बातम्या पाहण्यास मिळतात. आता ह्या बातम्या प्रत्यक्ष मित्र या हिंदी ब्लॉगवर देखील प्रकाशीत होणार आहेत.
प्रत्यक्ष मित्र मधील "तृतीया महायुद्धा"च्या बातम्या Links वर वाचाव्यात.
‘आयएस’ के खिलाफ तृतीय विश्‍वयुद्ध शुरू करे (जॉर्डन के किंग अब्दुल्ला का आवाहन)
तृतीय विश्‍वयुद्ध के अंतर्गत ध्वंस बढ रहा है – ईसाइयों के सर्वोच्च धार्मिक गुरु ‘पोप फ्रान्सिस’
चीन द्वारा अमेरिका को तृतीय विश्‍वयुद्ध की चेतावनी
---------------------------------------------------------------------------------
-: निरीक्षण :-
जगामध्ये सध्या धुमाकुळ घालणारी "आयएस" ही दहशवादी संघटना आहे. या संघटनेचे वृत्त आपण दैनिक प्रत्यक्ष मधे वाचत आलेलोच आहेत. पण ह्या संघटनेचा उगम कसा झाला? हा प्रश्न पडला.
तसेच पुन्हा एकदा खूप वर्षांनी मी तिसरे महायुद्ध पुस्तक वाचायला घेतले. तेव्हा अबु अल झरकावीचे प्रकरण वाचत असताना त्यात डॉ. अनिरुद्ध जोशी (अनिरुद्ध बापू) यांनी एक नोट टाकली आहे. अबु अल झरकावीचा २००६ साली मृत्यू झाला. तरिही
"He will emerge as the most significant and a radical kind of commander in the third world war."
अस त्यात बापूंनी म्हटलय. हे अस का म्हटले गेले तेव्हा कळले नाही.
आज पुन्हा एकदा हा प्रश्न पडला आणि झरकावीसाठी गुगल सर्च केला आणि तेव्हा सापडल्या त्या दोन लिंक्स...
Zarqawi’s terror network morphed into ISIS
The ISIS Crisis: The Mythology of Abu Musab al-Zarqawi: Everything Old is New Again
या दोन लिंक्स वाचल्यावर समजले की आत्ताच्या आयएसचे मुळ हे अबु अल झरकावीशीच आहे. विकीपिडियावर देखील आयएसचा उगम पाहत असताना सर्वात पहिला संदर्भ हा अबु अल झरकावीशी जोडलेला दिसला. झरकावीने अल कायदा अंतर्गत इराकमध्ये नेटवर्क उभे केले त्याचा आजचा परिपाक ही आयएस संघटना आहे, असे या दोन लेखांवरुन कळते....
हे आणि आत्ताच्या आयएसच्या बातम्या वाचल्यावर....
"He will emerge as the most significant and a radical kind of commander in the third world war."
या तिसर्‍या महायुद्ध पुस्तकातील बापूंनी ठामपणे केलेल्या व्यक्तव्याचे महत्त्व पटले....
आणि दरवर्षी काय दर महिन्याला हे तिसरे महायुद्ध पुस्तक वाचायला हवे..
Real Time Content यालाच म्हणतात बहुतेक....
Buy Book Here
- रेश्मा नारखेडे
Subscribe to:
Posts (Atom)