ब्लॉग कसा तयार करावा? - ४ (ब्लॉग पोस्ट प्रकाशीत करणे)

मागच्या भागात आपण ब्लॉग पोस्टची ओळख करुन घेतली. आता या भागात आपण ब्लॉग पोस्ट प्रकाशीत करण्यास शिकणार आहोत.

आपण ब्लॉग एडीटरमध्ये आल्यानंतर सर्वप्रथम या एडीटरचा कंपोझ मोड निवडलेला असावा.
त्यानंतर एडीटरमध्ये (क्रं - २२) आपले लिखाण पोस्ट करावे अथवा थेट टाईप करावे.

मराठीत टाईप करण्यासाठी "अ" (क्रं २०) ह्या बटनावर क्लिक करुन भाषा बदलू शकता.
तदनंतर वरील भागात पोस्टचा मथळा (टायटल) टाकावे. (क्रं २)
पोस्टमधील महत्त्वाचा भाग आपण बोल्ड इटालिक अंडरलाईन (क्रं - ८) करु  शकतो. शब्दाचा रंग बदलणे..हायलाईट करणे इत्यादी सर्व गोष्टी जश्या आपण इमेल फॉरमॅटींग करताना करतो ते सर्व काही करु शकतो. (क्रं ९, १०)
तसेच फॉण्टची साईज वाढविणे, फॉण्ट बदलणे याही गोष्टी करु शकतो.
फॉण्टसाईज - १
फॉण्टसाईज - २
फॉण्टसाईज - ३
फॉण्टसाईज - ४
फॉण्टसाईज - ५

यासाठी तो शब्द अथवा वाक्य सिलेक्ट करावे आणि त्या फंगशनच्या बट्नावर क्लिक करावे. 

हायपर लिंक अ‍ॅड करणे (क्रं ११)  - हायपर लिंक म्हणजे एखाद्या शब्दाला एखादे वेबपेज जोडलेले असते आणि त्यामुळे त्यावर क्लिक करुन त्या पेजवर आपण जाऊ शकतो. हायपर लिंक आपल्यला पुढील प्रमाणे दिसते. साद-प्रतिसाद 

एखाद्या शब्दाची लिंक तयार करण्यासाठी सर्वप्रथम तो शब्द क्लिक करावा. व Link (क्रं ११) या बटनावर क्लिक करावे, मग पुढील विंडो उघडेल.

त्यामध्ये वेब अ‍ॅड्रेसेसच्या जी कोणती युआरएल द्यावयाची आहे ती पेस्ट अथवा टाईप करावी.  ही जर लिंक अथवा वेब पेज दुसर्‍या विंडॊमध्ये ओपन करायची असेल तर खालील  Open this link in new window हा पर्याय निवडावा आणि ओके म्हणावे.

फोटो समाविष्ट करणे (क्रं १२)- जेथे फोटॊ समाविष्ट करावयाचे आहे इथे कर्सरने क्लिक करणे. त्यानंतर लिंकच्या बाजूच्या फोटो बटनवर क्लिक करणे.

कॉम्प्युटरवरुन फोटो समाविष्ट करण्यासाठी -  Choose files वर क्लिक करावे.  कॉम्प्युटरच्या ज्या ठिकाणी फोटो आहे त्या फोल्डरवर जाऊन फोटो निवडावा.

 मग तो फोटो  त्या विंडोमध्ये अपलोड झाला की अ‍ॅड सिलेक्टेडवर क्लिक करुन पोस्टमध्ये समाविष्ट करावा.
सदर फोटो हा ब्लॉगच्याच इमेलच्या गुगल फोटोजमध्ये सेव्ह होत असतो. असेच तुम्ही आणखी पाच ठिकाणचे फॊटो ब्लॉग पोस्टमध्ये घेऊ शकता.
१. From this Blog -  ब्लॉगवर पूर्वीच अपलोड केलेला फोटो
२. From Picasa web album -  गुगुलच्या पिकासा वेब अल्बम ( नुकताच वेब पिकासा हे गुगल फोटोजमध्ये परावर्तीत झालेले आहे)
३. From your Phone - थेट फोनवरुन फोटो अपलोड करणे
४. From your Webcam - वेब कॅम्पवरुन फोटो काढून अपलोड करणे
५. From a URL - इंटरनेटवर आधीच दुसर्य़ा ठिकाणी असलेला फोटो अपलोड करणे. फोटो युआरएलचा वापर करणे. लक्षात ठेवा ही युआरएल .jpg, .png, .tiff या नावांनी संपलेली हवी. तरच तॊ फोटोची युआरएल असेल.

फोटो पोस्टमध्ये समाविष्ट केल्यानंतर तो सिलेक्ट करावा. मग त्याखाली काही पर्याय दिसतात. त्या पर्यायांचा वापर करुन आपण फोटॊ लहान मोठा तसेच उजवीकडे, डावीकडे अथवा मध्यभागी ठेवू शकतो. त्यातच आपण त्या फोटोसाठी टीप (कॅप्शन) देखील देऊ शकतो. तिथेच फोटो रिमुव्ह करण्याचा देखील पर्याय आहे.
व्हीडिओ सुद्धा याच पद्धतीने पोस्ट करायचे असतात. पण त्यासाठी युट्युबच्या सेवेचा वापर केल्यास उत्तम आहे.


पेज ब्रेक (क्रं १४) - म्हणजेच विषय़ मध्येच खंडीत करुन Read More  अर्थात अधिक वाचा हा पर्याय आपण देऊ शकतो. यासाठी जिथे विषय खंडीत करायचा आहे. तिथे कर्सर नेऊन पेज ब्रेकच्या बटनावर क्लिक करणे.

एडीटरमध्ये अश्या प्रकारची लाईन दिसते. मात्र प्रत्यक्षात ब्लॉगवर तुमची पोस्ट खालील प्रकारे दिसते.

अश्या प्रकारे तुम्हाला हवी तशी पोस्ट सजवून झाली की ती कशी दिसते यासाठी प्रिव्ह्युवर पहा अथवा पब्लिश करा.

पब्लिश करण्याआधी त्या पोस्ट ला योग्य ते लेबल द्या. उगाच लेबल्सचा भडीमार करु नका. लेबल्स हे तुम्ही ती पोस्ट पब्लिश केली की तयार होत असतात. व ते डिलिट करण्यसाठी येथे येऊन डीलिट करावे लागते. एकदा का लेबल तयार केले की तेच लेबल इतर पोस्ट ला देखील लावू शकता त्यामुळे एकाच लेबलवर असलेल्या पोस्ट दाखविणे तुम्हाला सोप्पे जाईल. जेव्हा लेबल्स तयार करता तेव्हा त्याची एक वेगळी युआरएल तयार होत असते.
उदा. येथे ARTICALS  या लेबल्सची http://www.aniruddhafriend-reshmashaileshnarkhede.com/search/label/ARTICLES
ही युआरएल असून या लेबल्स अंतर्गत असलेल्या पोस्ट खालील प्रमाणे दिसतात. या लेबल्सचा आणखी क्रिएअटीव्ह वापर आपण पुढे पाहणार आहोत. ह्या लेबल्सच्या साहाय्याने पोस्टची वर्गवारी विभागणी करता येते.

ही पोस्ट शेड्युल करु शकता. जुन्या तारिखवर देखील पोस्ट तुम्ही पोस्ट करु शकता. यासाठी येथून तसे चेंजेस करावे.

आता लिंक्स चेंज करणे. ब्लॉग पोस्ट करण्याआधी या सेक्शनला येऊन कस्टम परमालिंकवर येऊन लिंक चेंज करणे आवश्यक आहे. त्यासाठी कस्टम परमालिंक वर क्लिक करुन आपल्यला हवे ते शब्द लिंकमध्ये समाविष्ट करु शकतो. नोट - १. हे शब्द इंग्रजीतच असावे. २. मध्ये रिकामीजागा असू नये. ३. अंक चालतील. ४. स्पेशल कॅरेक्टर असू नये. ५. डॅश (-)किंवा अंडरस्कोर (_)चालेल.

यानंतर पोस्ट पब्लिश करावी. लोकेशन आणि सर्च डिस्क्रीप्शन देखील तुम्ही अ‍ॅड करु शकता. 

यापुढेही काही पर्याय आहेत त्याचा वापर ब्लॉग एस.इ.ओ मध्ये पाहणार आहोत. 

पूर्वीचे भाग वाचा 
ब्लॉग कसा तयार करावा? भाग - १

ब्लॉग कसा तयार करावा? भाग - २

ब्लॉग कसा तयार करावा? भाग - ३

शिका फोटोग्राफी -1- फोटोग्राफीचे तीन स्तंभ

फोटोग्राफीचे तीन स्तंभ मानले जातात.
अ‍ॅपरचर (Aperture) , शटरस्पीड (Shutterspeed) व आयएसओ (ISO) व या तिघांच्या कॉम्बीनेशनवर ठरत असते ते एक्स्पोजर. (Exposure)
-------------------------
एक्स्पोजर - फिल्मवर किंवा पेपरवर अ‍ॅपरचरद्वारे जितका प्रकाश सोडला जातो आणि शटरस्पीडद्वारे जितका वेळ सोडला जातो या एकूण क्रियेला एक्स्पोजर म्हणतात.
अ‍ॅपरचर - डायफ्रॅममुळे (लेन्सच्या मध्यभागी अतिशय पातळ पट्ट्यांची वतुर्ळाकार जुळवणी) तयार होणार्‍या छिद्राच्या क्षेत्रांचे नाव अ‍ॅपरचर आहे. या छिद्रातून प्रकाशकिरण कॅमेर्य़ात शिरल्यावर ते सेंसरअवर प्रतिमा प्राप्त करुन देतात.
आयएसओ - इंटरनॅशनल स्टॅण्डर्ड ऑरगानायझेशन - सेंसर अथवा फिल्मची प्रकाश-संवेदनशीलता (फिल्मस्पीड) दर्शविणारे हे नाव आणि पद्धत आहे.
शटरस्पीड - शटर उघडून बंद होण्य़ाच्या नियंत्रित वेळेला शटरस्पीड म्हणतात.
------------------------------------
 फोटो काढण्यासाठी ज्या सेटींग्स मॅन्युअल मोड वर ठेवायला लागतात त्याचे इन्फोग्राफ्रीक खाली दिलेले आहे. त्याचा वापर करुन आपण करु शकतो. कोणत्याप्रकारचे फोटो काढायला कोणते सेटींग्स ठेवणे आवश्यक आहेत हे आपल्याला खालील इन्फोग्राफीकवरुन कळू शकते.
 

credits : http://handluggageonly.co.uk/2015/04/03/photography-cheat-sheets-amazing-tips-for-brilliant-photos/

हॅशटॅग ऑन ट्विटर (2)

मागच्या भागात आपण हॅशटॅगबद्दल बेसिक माहिती घेतली.
आत्ता आपण प्रत्येक सोशलमिडीया प्लॅटफॉर्मवर हॅशटॅगचा वापर कसा केला जातो ते पाहू.
खर हॅशटॅग वापरण्याचे सुत्र सर्वत्र समान आहे. पण विविध प्लॅटफॉर्मवर तो परिणाम वेगवेगळा साधतो.
सर्वप्रथम आपण पाहू

हॅशटॅग ऑन ट्विटर

हॅशटॅग सर्वात पहिला वापर ट्विटरने सुरु केला. ट्विटरवर १४० शब्दांची मर्यादा असते. त्या मर्यादेतच आपल्याला आपले म्हणणे मांडायचे असते.  संदर्भासहित स्पष्टीकरण देण्याची ट्विटर ही जागा नव्हे. जे काही आहे ते थोडक्यात आटपायचे. हा ट्विटरचा नेमकेपणा प्रसिद्ध आहे. सोशल मिडीया साईटसमधील ट्विटर हे या नेमकेपणासाठी अधिक लोकप्रिय आहे. आता नेमके बोलायचे पण संदर्भ तर लागला पाहिजे ना! मग अशावेळी हॅशटॅग आपल्याला कामी येतात. कारण त्या एका हॅशटॅगमध्ये सारा संदर्भ दडलेला असतो. 

उदा. #MakeInIndia हा भारत सरकारचा एक उत्तम उपक्रम आहे...त्याचाच हा हॅशटॅग. जेव्हा एखाद्याला या संदर्भात पोस्ट टाकायची असते किंवा आपले मत मांडायचे असते किंवा एखादी अपडेट द्यायची असते तेव्हा ती व्यक्ती या हॅशटॅगचा वापर करते. मग या संदर्भातील विविध ठिकाणच्या बातम्या आपल्या या एका ठिकाणी पहायला मिळतात. https://twitter.com/hashtag/MakeInIndia हे असे त्याचे पेज तयार होते. त्यावर लाईव्ह, न्यूज, फोटोज, व्हीडीओ, अनेकविध पर्यायामधून #MakeInIndia आपल्याला माहिती उपलब्ध होते. तसेच हा हॅशटॅग गुगलच्या सर्चमध्ये जरी टाकला तरी आपल्याला वरील संबंधीत पेज दिसू लागते. त्यासाठी ट्विटरला लॉग इन असण्याची आवश्यकता आहे असे नाही.

आता वरील #MakeInIndia हॅशटॅगला ट्विटरने सिंहाचा इमोजी सुद्धा दिला आहे. ट्विटरवर अधिकृत इमोजी मिळवणारा मेक इन इंडिया हा पहिला अमेरिकेच्या बाहेरील ब्रॅंड आहे.

ट्विटरवर सर्वात ट्रेंडिंग हॅशटॅग कोणते आहे त्याची माहिती मिळते. जसे तुम्ही हॅशटॅग वापरता त्या प्रमाणे  तुमच्या पोस्टला जास्त इंप्रेशन मिळते.

ट्विटरच्या हॅशटॅगचे सामाजिक महत्त्व खुप आहे. याच ट्विटर हॅशटॅगचा वापर करुन कोणतेही आंदोलन छेडता येते आणि कोणताही कार्यक्रम (कॅपेंन) सुरु करता येतो. ही प्रमुख आणि विशेष बाजू हॅशटॅगची आहे. एखाद्या गोष्टीसाठी आवाज उठवून जनमत तयार करण्यासाठी ह्या ट्विटर हॅशटॅगचा वापर करण्यात येतो. तसेच या हॅशटॅगचा वापर करुन डिजिटल भांडणे देखील होत असतात. तसेच एखाद्या चांगल्या विचाराच्या प्रसारासाठी जनजागृती करण्याचे कार्य सुद्धा हॅशटॅगचा वापर करुन करता येते. यात माझ्या लक्षात राहण्यासारखा हॅशटॅग म्हणजे #SelfieWithDaughter.

माननीय पंतप्रधान नरेंद्र मोदी यांनी त्यांच्या मन की बात मधून या हॅशटॅगची घोषणा केली होती. स्त्री भूण हत्येमुळे मुले आणि मुलींच्या जन्मदरात निर्माण होणारी तफावत लक्षात येऊन ही गोष्ट बंद व्हावी यासाठी जनजागृती करण्यासाठी (बेटी बचाओ बेटी पढाओ या सरकारी कार्यक्रमाच्या प्रमोशनसाठी) या हॅशटॅगचा वापर करण्याचे त्यांनी सुचविले होते. ही आयडीया त्यांना हरियाणाच्या एका गावाच्या सरपंचाकडून मिळाले. खरे तर हे कॅंपेन त्या सुनिल जगलन या सरपंचाने सुरु केले होते. पतंप्रधानांनी ते उचलून दिले व सर्वांना त्यांच्या मुलींसोबतचे फोटॊ ट्विटरवर #SelfieWithDaughter या हॅशटॅगने अपलोड करण्यास सांगितले होते.नुसते फोटो नाही तर आपल्या मुलीबद्दल एखादी ओळ लिहण्यास ही सांगितले होते. हा हॅशटॅग भारतात आणि भारताच्या बाहेर टॉप ट्रेंडींग झाला. अनेक माता पित्यांनी आपल्या मुलींबरोबरचे सेल्फी या हॅशटॅगबरोबर अपलोड केले. आपल्याला मुलगी आहे याचा अभिमान व्यक्त केला. महाराष्ट्राचे मुख्यमंत्री देवेंद्र फडणवीस यांनी देखील आपल्या मुलीबरोबर फोटो अपलोड केला होता.

And here's my #SelfieWithDaughter . My Daughter, My Pride! #betibachaobetipadhao pic.twitter.com/csPNDWq1SZ

— Devendra Fadnavis (@Dev_Fadnavis) June 28, 2015

यातून फायदा काय आणि कसा झाला? तर समाजाची देखील एक मानसिकता असते. ती बदलण्यासाठी अथवा सुधारण्यासाठी जनजागृती हाच एक मार्ग आहे. #SelfieWithDaughter हॅशटॅगने मुलगी असण्याचे महत्त्व काय असते हे समाजमनाला पटून स्त्री भ्रूण हत्या थांबतील ही भाबडी आशा करायला काय हरकत आहे. खर तर ही गोष्ट केवळ हॅशटॅगने साध्य होत नाही. पण निदान मन तरी तयार होते. याची एक दुसरी बाजू म्हणजे ज्यांना मुलगी नाही ते यात सहभागी होऊ शकत नाही. म्हणजे आपल्याकडे मुलगी हा मौल्यवान असा दागिना नाही....मुलगी असलेल्या अनेक पित्यांसारखी  समाधानाची झूल नाही याची खंत मनात निर्माण होऊ शकते व आपल्याला ही मुलगी हवी असा सकारात्मक विचार मनात पेरला जाऊ शकतो. हा हॅशटॅग हे आजच्या डीजिटल युगाचे जनजागृतीचे माध्यम आहे. हे आपण ध्यानात घेतले पाहिजे. पण त्यातही यासाठी ट्विटरवरील हॅशटॅगला अनन्यसाधारण महत्त्व आहे.

आपल्याला आपल मत चटकन जगासमोर मांडता येते. समजा तुम्ही एखादा चित्रपट पाहिला आणि तुम्हाला तो नाही आवडला. तर तसा हॅशटॅग तयार करुन तुम्ही तुमच मत मांडू शकता. तुमचे समविचारी या हॅशटॅगचा वापर करुन त्यांचे मत मांडतील. मग तो चित्रपट खरच चांगला आहे की नाही यावर तुम्हाला विविध मत मिळू शकतात. बॉक्स ऑफीसवर मग तो चित्रपट गाजो अथवा न गाजो पण तुम्हाला जनमत ट्विटर हॅशटॅगवरुन कळू शकतो.

जसा या हॅशटॅगचा वापर चांगल्यासाठी केला जातो तसाच दिशाभूल करण्यासाठी देखील केला जातो. त्यामुळे आपल्या खांद्यावर आपले डोके ठेवूनच ह्या हॅशटॅगचा वापर त्याचे अ‍ॅनालिसिस करावे. हॅशटॅग्सच्या आहारी जाऊ नये. कारण कोणता हॅशटॅग कोणत्या हेतू खातर केला जातो आणि त्यातून काय परिणाम साधला जातो हे आपल्यासारख्या "सामान्यांना" कळू शकत नाही.

- रेश्मा नारखेडे

Part - 1 - http://www.aniruddhafriend-reshmashaileshnarkhede.com/2015/12/what-is-hashtag.html
 

हॅशटॅग- जागतिक व्यासपीठ -1

 

एका सकाळी उठल्या उठल्या नविनच संकल्पनेची मला ओळख झाली. सकाळी फोन वरचे मॅसेज वाचत असतान एका मित्राच्या मॅसेजने फार सतावले. मेसेजचा प्रत्येक शब्द वाचण्याच्यामध्ये # असं काहीतरी होते. सुरवातीला मला कळेच ना!! ही कोड लॅंग्वेज आहे की एरर आहे. सारख आपल्या प्रत्येक शब्दाच्या मध्ये सो कॉल्ड हॅशटॅग. शेवटी मी त्या मित्राला फोन करुनच काय तो निरोप विचारला आणि थोडस अज्ञान दूर होत का याचा प्रयास केला..अर्थातच माझ अज्ञान...त्याने मोठ्या दिलदार वृत्तीने मला हॅशटॅगची ओळख करुन दिली.
खरच ती ओळख इथे मी मांडत नाही पण त्याने दिलेल्या ओळखी नंतर मला खरच हॅशटॅगचा अभ्यास करावासा वाटला आणि तोच मी इथे देत आहे. 

या इंटरनेटच्या दुनियेत आपल्याला जोडणारा फॅक्टर म्हणजे लिंक्स. आता लिंक्स म्हटल की आपल्या डोळ्यासमोर पटकन येते ती www. पासून सुरु होणारी लिंक. हॅशटॅगच्या वापराने देखील इंटरनेटवर लिंक्स तयार होतात पण त्याचा वापर..हेतु..आणि परिणाम हा वेगवेगळा असू शकतो. 

इंटरनेटने जग जवळ आणलेय तर हॅशटॅग्सने ते आणखीन घट्ट जोडले जातेय.

हॅश टॅगच्या बाबतीत जेव्हा मी विचार करते तेव्हा मला ते स्वतःहुन स्वतःसाठी केलेले जागतिक व्यासपीठच वाटते.
बघा विचार केला....एखाद जागतीक व्यासपीठ तुमच्यासाठी तेही तुम्हाला करता आले तर? आणि तेही केवळ # या एका चिन्हामुळे. आणि आज हा हॅशटॅगचा वापर असाच होतोय. पण अजूनही अनेकजण याच्या नेमक्या वापराबद्द्ल खूपच दूर आहेत.

हॅशटॅग म्हणजे काय?
हॅशटॅग म्हणजे सोशल मिडीया किंवा मायक्रोब्लॉगिंग सुविधेमध्ये वापरण्यात येणारा असा एक लेबल किंवा मेटाडाटा टॅग आहे ज्याचा वापर करुन आपण विशिष्ठ माहिती मिळवू अथवा पोहचवू शकतो. 

अधिक विस्ताराने पहायचे झाले तर, सोशल नेटवर्कींगमध्ये जेव्हा एखाद्या शब्दाच्या आधी आपण # हे चिन्ह लावतो तेव्हा त्याचा हॅश टॅग अर्थात त्या शब्दाची हायपरलिंक तयार होते. ज्यावर तुम्ही क्लिक करु शकता. असा शब्द जेव्हा जो जो कुणी त्यांच्या पोस्टमध्ये वापरतो तेव्हा त्या क्रीएट झालेल्या लिंकमध्ये त्या सर्व पोस्ट दिसू लागतात.
उदा. मी जर #HappyNewYear असा हॅशटॅग वापरुन एखादी पोस्ट पब्लिश केली तर त्याची एक लिंक तयार होईल आणि तसाच सेम टू सेम हॅश टॅग वापरणार्‍या कोणत्याही व्यक्तीची पोस्टही त्या नव्याने तयार झालेल्या लिंकवर दिसेल. म्हणजे मी मुंबईतून वरील हॅशटॅगवर पोस्ट टाकली आणि एखाद्याने दूर अमेरिकेतून सेम हॅशटॅग वापरुन पोस्ट टाकली. तर आमच्या दोघांच्याही पोस्ट #HappyNewYear या हॅशटॅगच्या लिंक्सवर "एकत्र" दिसू लागतील. त्यामुळे आम्ही दोघे क्षणार्धात एकमेकांच्या संपर्कात येऊ शकतो. असा एखादा हॅशटॅग वारंवार किंवा सर्वाधिक वापरला गेला की तो त्या साईटवरिल अथवा सोशल मिडीयातील ट्रेंडींग हॅशटॅग बनतो. म्हणजेच सर्वाधिक चलतीचा हॅशटॅग.

हॅशटॅग कसा असतो?
१. हॅशटॅगमध्ये दोन शब्दांच्यामधील स्पेस म्हणजे जागा चालत नाही. जर दोन शब्दांचा हॅश टॅग बनवायचा असेल तर ते दोन्ही शब्द जोडून घ्यावे लागतात. पण आपण त्या दोन शब्दांमधील फरक पहिले अक्षर कॅपीटल करुन अथवा अंडरस्कोर (_) करुन देऊ शकतो.
उदा. #Happy New Year, # HappyNewYear - चूकीचा
#happynewyear , #HappyNewYear, #Happy_New_Year - बरोबर
परंतु शक्यतो अंडरस्कोर वापरला जात नाही.
येथे पहिल्या उदाहरणात केवळ Happy शब्दालाच # जोडून असल्याने केवळ त्या एका शब्दाचा हॅशटॅग तयार झाला. Y नंतर तो हॅशटॅग संपला. हे ध्यानात ठेवावे. त्या पुढच्या उदाहरणात # आणि H मध्ये स्पेस (अंतर) राहील्याने तिथे कोणताही हॅश टॅग तयारच  झालेला नाही.
म्हणजे हॅशटॅग देताना तो काळजीपूर्वक द्यावा. अन्यथा माझी सकाळ जशी चमत्कारीक झाली तसच इतरांचे तुमच्याबाबतीत होऊ शकेल. 

असो
२. हॅशटॅग देताना तो शब्दाला जोडला आहे की नाही आणि त्याची लिंक तयार झाली आहे की नाही हे पहावे आणि मगच पोस्ट पब्लीश करावी.
३. जेव्हा एखाद्या हॅशटॅगमध्ये तुम्ही अप्परकेस किंवा लोअरकेस कॉम्बिनेशन करता तेव्हा त्याचा रिझल्ट हा सेमच असतो. म्हणजे
#happynewyear , #HappyNewYear या दोन्ही हॅशटॅगचा रिझल्ट सेमच असेल.
४. या हॅशटॅगमध्ये नंबर चालतात. परंतु उदगार्वाचक चिन्ह(!), अल्पविराम(;), स्वल्पविराम(,), प्रश्नचिन्ह(?), इत्यादी इतर चिन्ह आणि स्पेशल कॅरेक्टर ($%*&) चालत नाहीत.

या हॅशटॅगची अशी लिस्ट वगैरे काही नसते तूम्ही तयार कराल तो हॅशटॅग. पण तो ट्रेंडींग करणे किंवा असणे महत्त्वाचचे .

हॅशटॅग कुठे कुठे चालतो?
ट्विटर, फेसबुक, इन्टाग्राम, पिंटरेस्ट, गुगल प्लस, टंब्लर, या मेजर सोशल मिडीया प्लॅटफॉर्मवर हॅशटॅग चालतो. ट्विटर या हॅशटॅगची जन्मदात्री आहे अस आपल्याला म्हणायला काहीच हरकत नाही.

आता हॅशटॅगची बेसिक माहिती आपण घेतली पुढच्या भागात हॅशटॅगचा वापर आणि इतर माहिती पाहूया.

ब्लॉग कसा तयार करावा? भाग - 3 (ब्लॉग पोस्ट एडीटरची ओळख)

ब्लॉगच्या तिसर्‍या भागात आपण ब्लॉग पोस्ट एडीटरची ओळख करून घेऊया. 

आपल्या ब्लॉगच्या डॅशबोर्डवर ब्लॉगच्या नावासमोर "क्रीएट न्यू पोस्ट" (१) हे बटन दिसते.

यावर क्लिक करुन आपण ब्लॉग एडीटरमध्ये जाऊ शकतो. त्यापुढे असलेली बटन्स पुढील प्रमाणे आहेत.
(२) पोस्ट लिस्ट - येथे तुम्हाला तुम्ही टाकलेल्या सर्व पोस्टची यादी दिसते. त्याला लागूनच असलेल्या ड्रापडाऊन (३) लिस्टमध्ये ब्लॉग सेटींग्सचे इतर ऑप्शन्स दिसतात.
(४) व्ह्यू ब्लॉग - याचा वापर करुन आपला ब्लॉग प्रत्यक्षात कसा दिसतो ते आपण पाहू शकतो.
त्याखाली असलेल्या ओळीमध्ये आपल्याला टोटल ब्लॉग व्ह्य़ू, पोस्टची एकूण संख्या, ब्लॉगच्या फॉलोवर्सची संख्या दिसते. (५)
आता आपण ब्लॉग पोस्ट एडीटरची ओळख करुन घेऊ. यासाठी सर्वात पहिल्या दाखविलेल्या "क्रीएट न्यू पोस्ट" च्या बटनवर क्लिक करु.

आता इथे वरच्या बाजूस डावीकडून पाहण्यास सुरुवात करु. (आकडे फॉलो करावेत)
१. ब्लॉगचे तुम्ही दिलेले नाव
२. पोस्टचे टायटल - पोस्टचे टायटल अथवा मथळा तुम्हाला इथे द्यावा लागतो.
३. कंपोझ/एचटीएमएल - हे दोन प्रकारचे एडीटर आहेत. या ऑप्शनचा वापर करुन तुम्हाला पोस्ट ही कोडींगच्या अर्थात एचटीएमएल या इंटरनेटच्या भाषेतून टाकायची आहे की सोप्प्या पद्धतीने म्हणजे आपण ई मेल कसे लिहतो त्या पद्धतीने टाकायची आहे हे ठरविता येते. आपण सारे बाय डिफॉल्ट कंपोझ हाच ऑप्शन वापरतो. ज्यासाठी कोणतेही कोडींग माहीती असणे आवश्यक नाही. पण जर एचटीएमएल माहित असेल तुम्ही याचा वापर करुन नवनवीन प्रयोग करु शकता.

त्यापुढे तुम्हाला एडीटरचे ऑप्शन्स दिसतील.
४. रिडू आणि अन्डू - म्हणजे एखादी गोष्ट केल्यानंतर त्या आधीची गोष्ट हवी असेल किंवा पुढची गोष्ट हवी असेल तर या ऑप्श्नसचा वापर तुम्ही करु शकता.
५. फॉन्टस - इथे ब्लॉगर तुम्हाला काही फॉण्टस देतो. त्याचा वापर तुम्ही करु शकता.
६. फॉन्टसाईज - तुम्ही येथून फॉन्टसाईज चेंज करु शकता.
७. फॉर्मेट - फॉंटचा फॉरमॅट काय आहे हे तुम्ही येथून ठरवू शकता. म्हणजे मथळा (टायटल) आहे की उपमथळा आहे की साधारण टेक्स आहे.
८ बोल्ड, इटालिक, अंडरलाईन, स्ट्राईकथ्रु (काट मारणे)
९. शब्दांचा रंग बदलणे
१०. शब्दांचा बॅकग्राऊंड बदलणे (अर्थात हायलाईट करणे)
११. हायपर लिंक देण्यासाठीचे ऑप्शन
१२ फोटॊ अ‍ॅड करण्यासाठीचे ऑप्शन
१३. व्हिडीओ अ‍ॅड करण्यासाठीचे ऑप्शन
१४. पेज ब्रेक - याचा वापर पुढे प्रत्यक्ष करुन दाखविणार आहे.
१५. टेक्स अलाईंटमेंट - अर्थात वाक्ये किंवा शब्द कोणत्या बाजूस हवा आहे (डावीकडे, उजवीकडे, मधोमध की सर्वत्र समानपणे) हे ठरविता येते.
१६. बुलेटस ऑप्शन्स
१७. कोट (उद्‍गार) - एखादे उद्‍गार आपल्या लेखात असेल तर याचा वापर करुन आपण ते हायलाईट करु शकतो.
१८. रिमुव्ह फॉरमॅटींग - कधी कधी तुम्हाला केलेले फॉरमॅटींग काढायचे असेल तर तुम्ही या ऑप्शनचा वापर करु शकता. तेवढा भाग निवडून रिमुव्ह फॉरमॅटींग करावे.
१९. स्पेलिंग चेक - इंग्रजी स्पेलिंग चेक साठी याचा चांगला वापर होतो.
२०.  भाषा - तुम्ही ब्लॉगवर १९ भाषांमधून लिहू शकता. तुम्हाला हवी ती भाषा निवडण्यासाठी या ऑप्शनचा वापर करावा.
२१.  लेफ्ट टू राईट , राईट टू लेफ्ट - याचा वापर सगळी माहीती डावी कडून उजवीकडे व उजवी कडून डावी कडे हलविण्यासाठी होतो.
२२. आता खाली जो मोकळा भाग आहे तिथे आपल्याला आपले सारे कंटेन अर्थात माहिती, फोटो, व्हीडीओ टाकायचे असते.

आता आपण उजवीकडील ऑप्शनची माहि्ती घेऊ.
२३. पब्लिश - तुमची संपूर्ण तयार असलेली पोस्ट या बटनाचा वापर करुन प्रकाशीत करता येते.
२४. सेव्ह - जर तुम्हाला पोस्ट लगेच प्रकाशित करायची नसेल तर ती सेव्ह हे ऑप्शन वापरुन ड्राफ्टमध्ये जतन करता येते.
२५. प्रिव्ह्यू - तुमची पोस्ट कशी दिसणार आहे हे प्रकाशीत करण्याआधी पाहायचे असेल तर या ऑप्शनचा वापर करावा,
२६. क्लोझ - काहीही सेव्ह न करता पोस्ट एडीटर बंद होते.

पोस्ट सेटींग्स
२७. लेब्लल्स - तुम्हाला पोस्टला विविध भागात संग्रहीत करायची असेल तर या लेबल्सचा वापर करता येतो. म्हणजे जर फोटोग्राफी संदर्भात पोस्ट असेल तर आपण फोटॊग्राफी हे लेबल वापरल्यास त्या लेबलची एक कायम स्वरुपी लिंक तयार होते. व ज्या ज्या पोस्टना फोटोग्राफी हे लेबल असेल त्या सर्व पोस्ट एकाच लिंकवर एकाखाली एक दिसतात. त्यामुळे लेबलींग ही काळजीपूर्वक करावी. पोस्टचे वर्गीकरण लेबल्सच्या माध्यमातून उत्तम करता येते.
२८. शेड्युल - म्हणजे ही पोस्ट तुम्हाला ज्या वेळेला प्रकाशीत करायची आहे ती तारिख अथवा टायमिंग तुम्हाला आगाऊ ठरविता येते. अथवा नंतरही ठरवता येते. जर हे ऑप्शन वापरले नाही तर पोस्ट ज्यावेळेला तुम्ही प्रकाशीत करता ती वेळ आणि तारिख आपोआप त्या पोस्टसाठी नोंद होते.
२९. लिंक्स - जेव्ह तुम्ही पोस्ट टायटल टाकता तेव्हा ते टायटल आपोआप लिंकसाठी घेतले जाते. पण तुम्हाला हवी तशी लिंक घेण्यासाचे स्वातंत्र्य यात मिळते. याचा वापरही पुढे पाहणार आहोत. जेव्हा तुमचे टायटल मराठी किंवा इतर भाषेत असेलतर कस्टम परमालिंकचा वापर करुन हवी तो शब्द घ्यायला विसरु नका.
३०. लोकेशन - एखाद्या पोस्टला लोकेशन अर्थात स्थळ द्यायचे असेल तर गुगल मॅप्सच्या सहाय्याने आपण ते इथे देऊ शकतो.
३१.  सर्च डिस्रिप्शन - पोस्ट शोधण्यासाठी सोप्पे जावे म्हणून इथे आपण पोस्ट बद्दल संशिप्त माहिती अथवा शब्द देऊ शकतो.
३२. ऑप्शन्स व कस्टम रोबोट्स टॅग्स - इथे इतर काही ऑप्शन्स आहेत. त्याचा सविस्तर वापर आपण नंतर पाहू. सध्या त्याची आवश्य़कता नाही त्यासाठी आपल्याला थोड्या वेगळ्या विषयाने पुढे जावे लागेल.

तर ही झाली तुमच्या संपूर्ण पोस्ट एडीटरची ओळख. आता पुढच्या भागात या सार्‍याचे प्रात्याक्षिक पाहू.

 - रेश्मा नारखेडे

पूर्वीचे भाग वाचा
ब्लॉग कसा तयार करावा? भाग - १

ब्लॉग कसा तयार करावा? भाग - २

शिका ऑनलाईन - Learn Social

Learn Social Website

नुकताच मी एक ऑनलाईन कोर्स पुरविणारी एक साइट पाहीली. अत्यंत भन्नाट असे कोर्स येथे उपलब्ध असून छोटे छोटे फ्री कोर्सेस सह मह्त्तवाचे पेड कोर्सेस देखील आहेत. नुकताच मी वर्डप्रेसचा फ्री कोर्स करायला घेतला आणि त्यांची व्हीडीओ आणि प्रेझेन्टेशन क्वालिटी अत्यंत उत्तम वाटली. तर या https://www.learnsocial.com/  Learn Social मध्ये पुढील कोर्स आहेत. इतकच नव्हे तर येथे आपण नविन कोर्स देखील बनवू शकतो. 

Course Details

IT क्षेत्रातील जवळपास सर्वच कोर्स येथे असून आर्ट आणि बिझनेस क्षेत्रातील देखील भरपूर कोर्सेस आहेत. त्यात काही कोर्स ९० रुपयांपासून सुरु होतात. तर काही चक्क फ्री आहेत. तसेच एखादी भाषा शिकण्याचे देखील कोर्स आहेत. तर परिक्षेची उत्तम तयारी करण्यासाठी देखील कोर्सेस आहेत. काही कोर्सेस हे ऑनलाईन शिकविले जातात. त्यामुळे दिलेल्या वेळेला आणि दिवसाला तिथे ऑनलाईन असणे आवश्यक आहे. 

Video Course Interface

या साईटचे डिझायनिंग अत्यंत उत्तम असून ती अतीशय युजर फ्रेंडली वाटली. तर तुम्ही या साईटचा लाभ नक्कीच उचलू शकता.

फ्री कोर्सेसचा लाभ तर अवश्य उचलावा. 

1. Android Development

2. Hadoop 

3. Web Designing

4. Web Programming

5. Photoshop

6. Illustrator

7. Sketching

8. Video Making

9. Digital photography

10. WordPress

etc 

असे भन्नाट कोर्सेस आहेत.

फ्री कोर्सेस ट्राय करुन झाल्यावर पेड कोर्सेस देखील ट्राय करण्यास हरकत नाही. 

गुडुगुडू ऍप

मी खूप दिवसांनी ऑफीसला गेले होते. ऑफीसमध्ये पाय ठेवताच क्षणी मला "गुडूगुडू" असा आवज ऐकू आला. मला काही कळले नाही. मग माझ्या एका सखीशी बोलायला गेले तर तिथे ही गूडूगुडू आवाज ऐकू आला. मला क्षणभर वाटले की माझ्याच पोटातून हा गुडगुड आवाज येतोय की काय? म्हणून गप्प राहीले. त्यानंतर थोड्या थोड्या वेळाने हा गुडूगुडू आवाज सारखा कानावर पडू लागला. म्हणजे ती हद्दच झाली. शेवटी न राहवून मी एका सखीला विचारलेच हा गुडूगुडू आवाज कसला?
तर ती हसली आणि म्हणाली अग ती रिमायंडरची ट्यून आहे.

रिमायंडर पण कसले? तर पाणी पिण्याचे..

ऑफीसमधील प्रत्येक सखीने हे गुडूगुडूचे रिमायंडर लावले होते. अर्थात पाणी पिण्यासाठी रिमायंडर लावले होते. "वॉटर युअर बॉडी" "Water your Body" या ऍपचा वापर करुन सगळ्याजणींनी पाणी पिणे सुरु केले होते.

मी म्हटल वा!!! काय छान आयडीया आहे. आत्तापर्यंत पाणी येण्याची वेळ पाळायची आवश्यकता होती पण आता पाणी पिण्याची वेळ सुद्धा पाळायची आवश्यकता भासू लागली आणि त्यासाठी हे ऍप आपल्याला उपलब्ध आहे. खरच ही खूप चांगली गोष्ट आहे. नुकतच बापूंनी प्रवचनातून पाणी पिण्याचे महत्त्व अधोरेखीत केले. गेली अनेक वर्ष आपल्याला सांगत आहेत. परंतू आपल्याला वळण लागणे म्हणजे कठीणच गोष्ट. वळण लागण्यासाठी Consciously Correct राहणे आवश्यक आहे. आणि ते या ऍपमुळे जमू शकते.

मी देखील हे ऍप वापरण्यास सुरुवात केली. आणि मग सारखे गुडूगुडू माझ्या आजूबाजूला व्हायला लागले. रिकामा गडू भरण्यासाठी आता मला वेळोवेळी इशारे हे ऍप देत आहे. या ऍपमुळे शरीराला आवश्यक तेवढे पाणी पोटात जाण्यासाठी मदत होते. आपण एका वेळेला जीतके पाणी पितो तेवढी नोंद यात ऍपमध्ये करावी म्हणजे आपण दिवसभरतात किती पाणी पितो याचा अंदाज आपल्याला मिळेल व हळूहळू आपण आपली क्षमता वाढवू शकतो. वापरायला अतीशय सोप्पे असणारे हे ऍप असून याचा निश्चितच वापर करुन पहावा.

या ऍपच्या मजेशीर आठवणीमुळे मीच या ऍप ला गुडूगुडू ऍप असे नाव ठेवले आहे. ह्या ऍपसाठी प्ले स्टोरवर "Water Your Body" असा सर्च मारावा

- रेश्मा नारखेड़े

वॉटस अप आता कॉम्प्युटरवरुन वापरा

आज एक जबरदस्त ऍपलीकेशन मिळाले....ते म्हणजे वॉटस अप ऑन पीसी...

Whats Up On Pc

वॉटस अपने आपले वेब ऍप लॉंच केले आहे. जे फक्त गुगल क्रोममध्ये चालू शकते...
तर पाहूया हे ऍपलीकेशन कसे काम करते...

सर्वप्रथम गुगल क्रोम हा ब्राऊझर ओपन करा. त्यामध्ये https://web.whatsapp.com/ वर जा. तिथे तुम्हाला एक क्यु आर कोड दिसेल व लॉग इन राहण्यासाठीचे ऑप्शन दिसेल.
आता तुमच्या ऍनरॉईड फोन्समधील वॉटस अपचे ऑप्शन सुरु करा. सेटींग्स मध्ये जा. तिथे वॉटस अप अपडेट केल्यावर "व्हू वेब ऍप" हे ऑप्शन दिसेल. ते ऑप्शन निवडा.तिथे ऍटोमॅटीक वॉटस अपचा स्कॅनर सुरु होइल आता..तुमचा हा फोन कॅमेरा कॉम्प्युटरच्या स्क्रीन समोर धरुन कॉम्प्युटरवरील क्यू आर कोड स्कॅन करावा.
तो ऍटोमॅटीक स्कॅन होतो. आणि क्षणार्धात तुमच्या मोबाईलवरील वॉटस अप तुमच्या पीसी वर दिसू लागते.
आणि तूम्ही पीसी वरुन वॉटस अप वापरु शकतात...यावेळेस मोबाईलचे वाय फाय चालू ठेवावे. मोबाईल चालू ठेवावा.

या सुविधेमुळे फाईल शेरिंग हा प्रकार अत्यंत सोप्पा होणार आहे. आणि वॉटस अप हे केवळ टाईमपासचे साधन न राहता महत्त्वांच्या कामांसाठी याचा वापर करता येऊ शकतो. महत्त्वाचे म्हणजे मोबाईल आणि पीसी दोन्ही कडे एकाच वेळी वॉटस अप सुरु राहते. आणि जेव्हा कधी तुम्ही हा वेब बेआऊसर बंद करुन पुन्हा सेम लिंक वर याच ब्राऊझरमध्ये परतता तेव्हा तुमचे वॉटस अप लगेच कनेक्ट होते...या मध्ये डेक्सटॉप नोटीफीकेशन देखील आहेत. आणि लॉग आऊटचे देखील ऑप्शन आहे.

या ऍपची अधीक माहीती पुढे घेऊच....

पण शुभच्छ शिघ्रम.....

आम्हा कॉम्पुटरवर सतत असणार्‍यांसाठी आणि वॉटस अपवर कामे करणार्‍यांसाठी हे वरदानच...

- रेश्मा नारखेडे

http://www.omgchrome.com/whatsapp-web-brings-whatsapp-messenger-pc-chromebook/

How to save links on Facebook? Facebook Save - Very useful feature

इंटरनेटच्या जगात रोज काही तरी नवीन येत असतो. तुमचा आमचा लाडका फेसबुक तर सारखा रंग बदलत असतो. म्हणजेच त्याचे नवनवीन फिचर्स येत असतात. आपल्या युजर्सना फेसबुक वापरताना कंफर्ट देण्यासाठी अनेक मोठे बदल फेसबुकने या वर्षभरात घडवून आणले. दैनिक प्रत्यक्षच्या सोशल मिडीयाच्या अंकात फेसबुकवर मी लिहले होते. त्यानंतर वर्षभर फेसबुक फारसे पाहणे झाले नाही. पाहण्यापेक्षा नीट पाहणे झाले नाही. आत्ताच मी पुन्हा फेसबुक जरा बारकाईने पाहण्यास सुरुवात केली. तेव्हा अस लक्षात आले की फेसबुकने एक नवं फिचर दिले आहे.
सेव्ह Save. तर आपण पाहूया हे फिचर काय आहे ते.

फेसबुक ही एक असे संकेत स्थळ आहे की जिथे अगदी सेकंदाला नवीन काही तरी येत असते. जितके आपले फ्रेंडस, जितके पेजेस आपण लाईक केलेले असेल तितक्या लवकर आपले न्यूज फीड बदलत राहते. आणि यातून बर्‍याचशा गोष्टी पाहण्याचे राहून जाते. ज्यात अनेकदा महत्त्वाच्या बाबी देखील असतात. पण पुन्हा मात्र त्या गोष्टी शोधायच्या असतील तर खरोखरीचे प्रॉब्लेम्स होतात. यावर तोडगा म्हणून फेसबुकने "सेव्ह" "Save" नावाचे फिचर काढले आहे.

जर आपण आपल्या वेब ब्राऊझरमध्ये बुकमार्क्स वापरुन आपल्याला हवी ती लिंक सेव्ह करतो तसेच इथे आपल्याला हवी ती पोस्ट लिंक आपण सेव्ह करू शकतो.

यासाठी फेसबुकच्या उजवीकडील कोपर्‍यातील बटनावर क्लिक करून सेव्ह असे म्हणावे. ही पोस्ट आता सेव्ह झाली.

नंतर तुमच्या फेसबुकच्या होम पेजवरील डावीकडील कोपर्‍यात तुम्हाला सेव्ह असा ऑप्शन दिसेल. त्यावर क्लिक करावे.

त्यावर क्लिक केल्यावर तुम्हाला तुम्ही सेव्ह केलेल्या फेसबुकवरील सर्व गोष्टी दिसतील. 

यामध्ये लिंक, फोटॊ, व्हीडीओ इत्यादी वर्गीकरण करून दिलेली आहे. त्यामुळे आपण सेव्ह केलेली पोस्ट सॉर्ट करण्याचे काम फेसबुकच करुन देतो.
शिवाय आपण सेव्ह केलेली लिंक आपण येथूनच पुन्हा शेअर करू शकतो.

• सेव्ह केलेल्या लिंक केवळ आपल्याला दिसतील.  आपण सेटींग्समध्ये बदल करून इतरांबरोबरही आपण आपल्या सेव्ह लिंक शेअर करू शकतो.
• फेसबुकवर अपलोड केलेल्या गोष्टी आपण सेव्ह करु शकत नाही. जसे की फोटो इ. पण फेसबुकवर कुणीही शेअर केलेली (Right now External) लिंक आपण सेव्ह करू शकतो.

सोशल नेटवर्किंग किंग असणार्‍या फेसबुकने सेव्ह या ऑप्शन्च्या मार्फत सोशल बुकमार्किंगमध्ये ही उडी घेतल्याचेही स्पष्ट झाले आहे. बहुतेक एवढच काय ते बाकी होते. कारण फेसबुक मॅप्स, फेसबुक ग्राफ सर्च याआधीच फेसबुकने सुरु केले आहे.

मात्र सर्वसामान्य युजर्सच्या उपयोगास पडेल असे हे "सेव्ह" फिचर निश्चितच यशस्वी ठरू शकते आणि याचा आपणही यशस्वी वापर केला पाहीजे.

- रेश्मावीरा  नारखेडे

Googling 3 - The Story of Send

आता आपण ईमेल सर्रास वापरतो. इथून मी ई-मेल पाठविला की दुसर्‍या क्षणाला तो ई-मेल ज्याला पाठवला आहे त्याला पोहचलेला असतो. किती इंस्टंटली पोहचतो ना! कधी कधी अगदी बाजूच्या माणसाला देखील पटकन पोहचत नाही तेव्हा आपण वैतागतो. यावेळी आपण अगदी सहज रिऍक्ट केलेले असते. पण आपल्याला सहज असे मिळणार्‍या मेलचा प्रवास हा ईतका सहज असतो का? ह्या एका ईमेलचा प्रवास पाहणे, जाणणे खरच इंटरेस्टींग आहे आणि तेही ऍनिमेशनच्या रुपात.

गुगलने त्यांच्या ईमेलचा प्रवास एका सुंदर ऍनिमेशन मधून दाखविला आहे. हा प्रवास पाहणे खरंच चुकवू नका. आपण अनेक प्रवासवर्णने वाचली असतील..पण मी निश्चितच सांगू शकते की "एका ईमेलचे" प्रवासवर्णन तुम्हाला नक्कीच आवडेल. 

खर तर हा संपूर्ण प्रवास शब्दात मांडायचा होता मात्र गुगलच्या ऍनिमेशनपुढे त्याची गरज नाही. गुगल ग्रीनने पुढाकार घेऊन ही स्टोरी मांडली आहे. गुगलच्या सस्टेंबिलीटीबद्दल खरोखरीने जाणून घ्यायचे असेल तर गुगल ग्रीन (Google Green) वेबसाईट पाहणे अत्यंत आवश्यक आहे. 

एका सामान्य माणसाला मदतीच्या दृष्टीने गुगल ग्रीन फारसे महत्त्वाचे कदाचित ठरणार नाही. मात्र, काही सेकंदाच्या आता प्रचंड माहितीची देवाण-घेवाण कशी सहज होते हे जाणून घेणे खरच इंटरेस्टींग ठरेल. त्याचबरोबर पर्यावरणास हितकारक असे गुगल कसे काम करते हे पाहणे देखिल इंटरेस्टींग आहे.  

स्टॊरी ऑफ सेंड ( The Story of Send) पाहताना आपल्याला गुगलची ऍनिमेशनची क्लासिक स्टाईल पाहण्यास मिळणार आहे. हा मेल विविध स्टेजमधून प्रवास करताना आजूबाजूला आनंदाचे प्रसन्नतेचे आणि मुख्य म्हणजे रिलॅक्सेशनचे वातावरण ठेवण्याची शक्कल गुगलने सॉलिड लढवलेली आहे. इतकी किचकट प्रोसेस सहजरित्या होत असते हे या ऍनिमेशनमधून सहज आपल्या मनावर बिंबते. खरच अमेझींग आहे. हॅटस ऑफ टू मेकर्स ऑफ धीस ऍनिमेशन....श्रीराम...अंबज्ञ

Googling 2 - ..Please Takeaway....TAKEOUT

मला एक सांगा....तुमचा गुगलवर किती डेटा आहे. सांगू शकाल. एकत्रित करु शकाल...नाही ना!! गुगलच्या आपल्याच माहितीमध्ये आपण कधी हरवून जाऊ हेच कळणार नाही. आणि तुम्हाला हा डेटा एकत्रित हवा असेल तर काय करणार. किंबहुना असा विचार देखिल तुम्ही केला नसेल ना! परंतु हा विचार मला तरी करावा लागला..जेव्हा गुगलने त्यांची बझची सर्व्हीस बंद केली तेव्हा. बझवर माझ्या काही कविता, काही विचार पोस्ट केलेल्या होत्या. मात्र बझ बंद झाल्यानंतर मला ते पुन्हा मिळविणे कठीण झाले होते. काहीतरी सर्च करुन एखादी पोस्ट मिळायची खरी पण त्यात काही समाधान नव्हते. 

मग एके दिवशी असच गुगलींग करताना मला सापडले "टेकआऊट" "google takeout" या गुगल टेक-आऊटवरुन मी बझच काय तर त्या जी मेलच्या आय डी वर असणारी प्रत्येक गुगल प्रोडक्टवरील माहिती मी एकत्रित रित्या डाऊनलोड करुन घेऊ शकले. आहे ना अमेझिंग!! 

गुगलच्या डाटा लिबरेशन फ्रंट (Data Libration Front) या इंजिनियरिंग टीमने "गुगल टेकाआऊट हा प्रोजेक्ट सुरु केला आहे. युजर्सना त्यांचा डाटा गुगलच्या बाहेर नेता यावा यासाठी ही टीम प्रयत्न करीत असते. त्यांनीच हे गुगल टेकआऊट सुरु केले आहे. 

गुगलच्या प्रोडक्टसमधील आपला डेटा आपण एका झिप फाईलमध्ये डाऊनलोड करुन घेऊ शकतो. 

सध्या टेकआऊटमधून गुगल प्लस Google Plus, बझ Google Buzz, कॉन्टेक्टस Contacts, डाईव्ह Drive, गुगल + सर्कल्स, गुगल + स्ट्रीम, लॅटीट्युड Latitude, पिकासा वेब अल्बम्स Picasa Web Album, प्रोफाईल, रिडर Reader  व्हॉईस, युट्युबचा You Tube डेटा आपण मिळवू शकतो. 

सध्या तरी टेकआऊट लिमिटेड प्रोडक्टससाठी अव्हेलेबल आहे. मात्र युट्युबसाठी लेटेस्ट ही सुविधा देऊ केलेली आहे. याचा वापर करुन यु ट्युबवरील तुमचे सर्व व्हीडीयो फाईल्स एका झिप फाईल घेऊ शकतात. २०११ च्या जूनमध्ये गुगलने ही टेकआउट सर्व्हीस सुरु केली. 

Googling 1 - Make My Drive

गुगल माहित असणार्‍याला आत्तापर्यंत गुगल ड्राईव्हची (Google Drive) नक्कीच ओळख झाली असेल. अगदी वापरले नसले तरी ऐकून तरी माहित असेल. सामान्यपणे तुमचा कॉम्प्युटर मधील फाईल्स तुम्ही गुगलच्या या ड्राईव्ह क्लाऊडवर ठेवू शकता. तुमच्या कॉम्प्युटरमध्ये डी ड्राईव्ह, सी ड्राईव्ह असे तुम्ही स्टोरेज डिस्क पाहिल्या असतील. पण आता गुगलने देखील तुम्हाला गुगल ड्राईव्ह उपलब्ध करुन दिला आहे. क्लाऊड कॉम्प्युटींग (Cloud Computing) या संकल्पनेवर आधारित असणारे हे गुगल ड्राईव्ह तुमचे नवीन स्टोरेज डिस्क होऊ शकते आणि ती तुम्ही कुठऊनही अ‍ॅक्सेस करु शकता. 

यापासून सुरुवात झालेल्या गुगल ड्राईव्हने आता अजून एक उडी घेतली आहे. गुगलने आता थर्डपार्टी अ‍ॅप्स ड्राईव्ह सोबत इंटीग्रेट करण्यास सुरुवात केली आहे.

गुगल ड्राईव्हचे अ‍ॅप्स हे सामान्य वेब अ‍ॅप्सप्रमाणेच कार्य करतात. फरक इतकाच की हे अ‍ॅप्स फाईल्स वेब सर्व्हर्वर सेव्ह न करता गुगल ड्राईव्हवर सेव्ह करतात. उदाहरण तुम्ही एखादा फोटो एडीट केला तर तो पुनश्च गुगल ड्राईव्हवर सेव्ह करता येतो. हे अ‍ॅप्स तुम्हाला गुगल क्रोमच्या बेव स्टोरवर मिळतील. तिथे गुगल ड्राईव्ह अ‍ॅप्सची पूर्ण यादी मिळेल.  इथून तुम्ही अ‍ॅप्स इन्स्टॉल करु शकता.

गुगल ड्राईव्हच्या वेबसाईटवरुन प्रत्येक फाईल तुम्ही वेगवेगळ्या अ‍ॅप्समध्ये ओपन करु शकता. तसेच तूम्ही थेट अ‍ॅप्स देखील उघडू शकता, 

आता तुम्हाला कोण कोणते अ‍ॅप्स मिळतात ते पाहू. 

१) प्लिक्सर एडिटर (Pixlr Editor) - पिक्सर हे एक अडवान्स वेब बेस इमेज एडीटर आहे. याचा संपूर्ण लूक हा अ‍ॅडॉब फोटोशॉप सारखा आहे. 

२) पिकमंकी PicMonkey- हे देखील फोटो एडीटींग आणि फोटो रिटच करणारे अ‍ॅप आहे. पॉप्युलर फोटो एडीटर पिकनिक गुगलने घशात घातल्यानंतर पिकनिकच्या इंजिनियर्सनी हे अ‍ॅप तयार केले आहे. यातून जलद फोटॊ एडीट होतो.

३) ड्राईव्ह नोटपॅट Notepad++ - गुगल ड्राईव्ह कडे गुगल डॉक्स आधीपासूनच आहे. मात्र त्याचा वापर वर्ड प्रोसेसिंग प्रोग्रॅमसारख आहे. पण जर नोटपॅड++ कोड लिहण्यासाठी वगैरे हवा असेल तर ड्राईव्ह नोटपॅड हे मस्त अ‍ॅप आहे.

Add caption

४) ड्राईव्ह ट्यून DriveTunes - हे एक म्युझिक प्लेयर आहे. जे ड्राईव्हमधील गाणी ऐकविण्यास मदत करते. याच्या मदतीने तुम्ही गुगल ड्राईव्हचा वापर म्युझिक प्लेअर म्हणुन देखील करु शकता. 

Add caption

५) व्हीव्हीडीओ WeVideo - हे अत्यंत सोपे असे ऑनलाईन व्हीडीओ एडीटर आहे.

६) हॅलो फॅक्स HelloFax  - हे एक फ्री ऑनलाईन फॅक्स टूल आहे. ज्याचा वापर करुन तुम्ही फॅक्स पाठवू शकता आणि रिसिव्ह देखील करु शकता. खर्‍या अर्थाने पेपरलेस ऑफीससाठी हे फार महत्त्वाचे टूल आहे. 

७) पिडीएफझेन PDFzen, - गुगल ड्राईव्हला इन बिल्ट पीडीएफ व्हीवर आहे, मात्र त्यात एडीटींग फिचर्स नाहीत. मात्र ह्या अ‍ॅपच्या मुळे तुम्ही पिडीएफ देखील एडीटकरु शकता. 

गुगल ड्राईव्हचे आत्तापर्यंत १०० हून अधीक अ‍ॅप्स आहेत. ज्याचा वापर करुन जगाच्या पाठीवर मी कुठेही माझ्या ऑफीसचे वाट्टेल ते कॉम्प्युटरचे काम करु शकते आणि त्यासाठी मला टॅबलेट देखील पुरेसा आहे... आहे ना इंटरेस्टींग!
Source : http://www.makeuseof.com/tag/making-the-most-of-google-drive-with-integrated-apps/

मोबाईलगिरि

आज काय एक एक धम्माल मोबाईल आलेले आहेत. अगदी आख्खा कॉम्प्युटर आपल्या इवल्याश्या हातामध्ये आला आहे. अनेक फिचर या मोबाईलमध्ये आले आहेत. परंतु या फिचरचा आपल्याला पूरेपूर वापर करताच येत नाही.

फोन करणे, एसएमएम पाठविणे, गेम खेळणे, गाणी ऐकणे इत्यादी या पलिकडे मोबाईलचा आपण काही वापर करतो का? याचा विचार करण्यास हवा. स्टाईलसाठी महागडे मोबाईल घेतो खरे पण त्याचा क्रीएटीव्ह वापर करायला पाहिजे,

मी नुकताच एनरॉईड ऑपरेटींग सिस्टीम असलेला सॅमसंग गॅलेक्सी मोबईल घेतलाय आणि खर सांगू या मोबाईल माझी बरीच कामे होतात.

ऍनरॉईड देत असलेल्या ऍपलिकेशनचा सॉलिड फायदा होतोय. खर म्हणजे मी तो करुन घेतेय. त्यात सगळ्यात आवडते ऍपलिकेशन म्हणजे पीडीएफ रिडर...सर्व पीडीएफ फाईल्स कोणत्याही त्रासाशिवाय मी त्यावर वाचू शकते. आताच साईसच्चरित्र पंचशील परिक्षेची तयारी मी मोबाईलवर केली. कसे काय? तर साईसच्चरित्रचे अध्याय मोबाईलवरच वाचले आणि त्याचा अभ्यास केला. प्रवासात साईसच्चरित्र नेणे आणने अवघड. मोबाईलमध्येच आख्ख साईसतचरित्र असल्याने अभ्यास आणि पारायण किती सोपे झालेय.

याव्यतिरक्त आजकल मला उपासनेची पुस्तके कॅरी करावी लागत नाही. आदीमाता स्तवनम, अशुभनशिनी स्तोत्र, दत्तस्तव स्तोत्रम, रामरक्षा, हनुमान चालिसा, गुरुक्षेत्रम मंत्र असे अनेक जप व स्तोत्र स्टोर करुन ठेवलेली आहेत. हा माझ्या मोबाईलचा भक्तीमय उपयोग मी करुन घेतलाय.

यव्यतिरिक्त माझी आवडती ई बुक्स हॅरी पॉटर, चेतन भगत इत्यांदीची पुस्तके पण मोबाईल वर आहेत. त्यामुळे पुस्तकांचे वाचन ही होते. शिवाय मार्गदर्शक पुस्तके देखील आहेत. म्हणजे चालती फीरती लायब्ररी आहे माझ्याकडे.

या नंतर दुसरे ऍपलिकेश म्हणजे थिंक ऑफीस. यामध्ये ऍक्सेल्, वर्ड, पॉवर पॉईंट हे सगळे चालते. त्यामुळे  माझी डाटाबेसची अर्जंट कामे मोबाईलवरच होतात.

शिवाय नेट कनेक्शन असल्याने जी टॉक आणि फेसबुक वरुन मित्रांशी संपर्कात राहता येते. तसेच इमरजन्सीमध्ये फाईल ट्रान्सफरींग करता येते.

डिझास्टर मॅनेजमेंटच्या कोर्समध्ये वेगवेगळ्या रेस्क्यु नॉटस शिकले होते. त्या आणि त्यांच्यासारख्य अनेक महत्त्वाच्या गाठींची माहीती नॉटस गाईड या ऍपलिकेशनमधून मिळते,

तसेच डीझास्टर अर्लट या ऍपलिकेशनमधून जगभरात झालेल्या आपत्तींची अपडेट मिळत राहते.

शिवाय न्यूज चॅनेलच्या ऍपलिकेशनमुळे दैंनदिन घडामोडी कळतात. 

कॅम कार्ड ऍपलिकेशन मुळे एखाद्याचे बिझनेस कार्ड केवळ त्याचा फोटॊ काढून सेव्ह करता येते. 

शिवाय डिक्शनरी, वायकीपिडीया, गुगल सर्च आहेच. यासारखी लाखो ऍपलिकेशन्स असतील. त्यातील किति ऍपलिकेशन्सचा वापर आपण करतो हे महत्त्वाचे आहे.

गुगल मॅप, गुगल स्काय मॅप, पियानो, वेदर रिपोर्ट हे पण ऍपलिकेशन माझी आवडती आहेत. विरंगुळा करायचाच आहे ना. मग या ऍपलिकेशन्सचा वापर करणे मला जास्त आवडते. दररोज नवनवीन ऍपलिकेशन्सची भर पडत असते. 

नुसता गेम्स खेळण्यासाठी या अशा हायटेक मोबाईलचा वापर करणे म्हणजे या मोबाईल्सची लाज काढल्यासारखे मला वाटते. त्यामुळे या अशा मोबाईल्सचा उचित वापर आपल्या स्वतःच्या विकासासाठी करुन खर्या अर्थाने आपल्याला हायटेक व्हायला हवे. नाही का?